Olympus Air camera在日本可謂玩到癲！道理好簡單，因為佢係一部開放式平台的數碼相機，所有人都可以為佢設計軟、硬件配備。今次介紹呢件周邊配件，真係相當有台型，將成部機變成一支手槍一樣，攞出街用，甚至用嚟打雀，未睇相都已經霸氣外露。
呢個相機手柄叫gun-style grip，其實設計好簡單，因為佢係用3D打印技術造出一個機身手柄，再在頂部做埋一條鏡橋就完成了。其它的瞄準器及槍柄手把，都是取自氣槍配件。設計者表示，由於Olympus Air camera冇觀景器關係，每次影相時都要連接手機先望到屏幕影像，感覺較麻煩，所以馬上想到用氣槍瞄準器一類配件，令相機在取景時變得更方便。
Air camera手槍 3D圖連結： http://make.dmm.com/shop/94512
記者：朱崇德