究竟拜仁慕尼黑今季聯賽嘅長勝紀錄會斷喺邊隊手上？原來係中游嘅法蘭克福。上周五嘅德甲，拜仁強陣作客法福，有出洛賓同羅拔利雲度夫斯基，只係湯馬士梅拿做後備，全場佔超過七成控球；喺完場前，羅拔仔食咗個詐糊，被判越位在先，最後兩隊踢成0:0。雖然拜仁今季嘅聯賽10連勝斷纜，但繼續穩佔榜首。拜仁下周三就會出戰歐聯，主場鬥阿仙奴。