【本報訊】八個教院生，成立學生團體「Nomadshk」，為營役生活創造意義，分頭截順風車返學，將過程拍成短片。誰知小小實驗，間接促成接載他們的好心司機成立組群，推動順風車文化，「冇諗過一件小事可以影響到人，感覺好奇妙」。教院四年級學生Benson說。
「我都係入咗泥鯭谷，先知坐過佢順風車。」Nomad，寓意游牧民族，由幾個志同道合的教院學生，拉雜成軍，矢志由生活開始，走出框框，創造生活中不同的可能性，「坐順風車返學嘅念頭，緣於有成員喺台灣嘅旅遊經驗，好想知喺香港係咪可行？」都說香港人冷漠又保守，事實是否如此？與其未審先判，不如做個有趣實驗。於是，6個人分成4組，由美孚、秀茂坪、元朗和上水分別出發，看誰先到。
結果4組人都登上順風車，女同學不代表有優勢，路邊苦等逾4小時；截順風車經驗最豐富的，反而敬陪末席。而Benson這個麻甩獨行俠，竟獲的士義載，一程車直達大埔，「我好驚訝，問佢係咪誤會咗我想截車？佢話只因順路，見我咁慘，想送我一程」。他說：「一個人，好容易未做就有太多假設，事實可能唔係嗰回事」。
■記者呂麗嬋