早排有消息話，因越嚟越多人來港申請酷刑對待免遣返聲請，政府覺得有「假難民」濫用呢個機制偷渡，所以正研究效法當年處理越南船民咁，重設禁閉營收容酷刑聲請人士，等佢哋唔可以出外打工，減低「假難民」來港誘因，但估唔到呢單新聞引起田北俊關注，話政府冇單聲佢知可以「成功爭取」喎！
田少喺佢fb登咗兩張分別攝於6月同9月（圖）嘅請願相，就係要求政府成立難民收容中心，田少有骨咁話，佢好多謝政府「靜雞雞」採納咗自由黨嘅意見，不過政府又唔單聲畀自由黨，浪費咗大好一個「成功爭取」機會，不過田少冇嬲嬲豬，因為佢係一個「nice guy」，費事同佢哋計喎！