唔少俄超球會近年偏向聘請國外教練，但可能好快就冇呢支歌仔唱，事緣俄國體育部日前通過最新指引，禁止所有球會請非俄籍人士出任主教練。不過對辛尼特嘅波亞斯嚟講就冇乜影響，因為佢一早講明話教埋今季就走人，甚至有傳車路士班主阿巴莫域治都想請佢返去再執教。另外，前車路士軍醫伊娃，喺同佢舊僱主傾唔掂數下，終於決定告車仔無理解僱。