少爺占的talk騷「他爸的少爺占」前晚在旺角開鑼，少爺占今次大爆唱片宣傳人員工作的笑料，他說：「有個朋友做咗唱片公關，佢湊個星幾紅，但係唔好講真名，叫佢做明仔。有一日明仔做完電台訪問，走嗰陣有大班fans圍住，佢哋仲推跌我朋友，點知我朋友岳高頭之後，已經發現明仔上咗車兼絕塵而去。」
少爺占又續說：「仲有一次明仔同我朋友講個胃唔舒服，叫佢去買啲消化餅，點知我朋友走咗去便利店買紅色包裝消化餅，之後仲試過有次明仔話喉嚨唔舒服，拎個MMM（原裝歌曲）畀佢，點知買包M&M畀明仔，黎生即刻問候公關朋友個媽媽。」換言之他口中的明仔是黎明。完騷問他會否擔心得罪黎明？阿占說：「我又唔係講歌手衰，只係話個助手純情同好真摯。」
採訪：王連連
攝影：陳慧安