曼城在上周英超曼市打吡悶和收場，今晚於主場迎戰弱旅諾域治，無懼歐聯後顧，力足大勝。「讓球主客和」曼城[-1]的「主勝」，作過關穩膽最好不過。
包括周三英聯盃以5:1大破水晶宮一仗，曼城至今主場四連勝，當中三戰都能攻入對手五球或以上；今仗對手諾域治已五仗不勝，在周二英聯盃，戰至互射12碼不敵愛華頓，體能或未恢復，今征榜首曼城料冇運行。
曼城兩大進攻主力前鋒阿古路與中場大衛施華仍在養傷，不過其他鋒線球員狀態不俗，當中無疑是以奇雲迪布尼最勇，在淘汰水晶宮一仗再建功後，加盟短短兩個月，入球加上助攻的總數已達雙位數；頂替阿古路在鋒線擔正的韋菲特邦尼同樣有貨交，最近四場比賽貢獻三球。即使曼城未能排出最強鋒線陣容，今仗在地頭迎戰勢頹的諾域治，亦夠贏對手兩球或以上。
屈福特唔怕韋咸
另一場英超屈福特主場對韋斯咸，平手盤宜捧主隊。屈福特今季主場防守非常好，五場主場聯賽只失四球，其中三球是被阿仙奴攻入，迎西布朗及史雲斯都能夠保持清白之身。韋斯咸今季作風「鋤強扶弱」，贏過多支強隊，但試過在諾域治及般尼茅夫身上失分，平手盤撐屈福特。
文：何西