宣萱與顧美華昨日在尖沙嘴為李純恩在有線的飲食節目宣傳，三人齊齊吃芋泥甜品。
宣萱即將在九展舉行演唱會，為以最佳狀態示人及為此飲食節目已節食三日：「我去完（旅行）返嚟唔敢上磅，睇吓演唱會條裙，暫時應該未着得住。」她表示演唱會上會與王敏德合唱串燒歌，屆時會唱《難兄難弟》：「我都唔識唱歌㗎，我𠵱家係洗腦式咁記歌詞，我就冇獨唱嘅，仲要未試過七個人一齊練，到時都係考天才。」
同場的顧美華說：「我乜嘢都食，因為我食極都唔肥。」久未露面的她表示只會考慮輕鬆簡單的工作：「客串吓就得嘅，我驚體力不支，年紀大呀。」李純恩透露她不時英美兩邊走，探望兒子和孫兒。
採訪：盧妹
攝影：陳俊強