今季英超異軍水晶宮雖然近況回落，連同盃賽已三連敗，不過聯賽失球不多，周六主場對曼聯，以客軍前鋒朗尼持續低迷，作客入球量亦少，料雙方將悶戰一場，入球「細」穩陣。（球賽編號：星期六26；now622台今日11:00pm直播）
水晶宮開季戰績亮麗，一度升上次席，但畢竟球隊班底只屬中型班，走勢回落難以避免，周中英聯盃1:5大敗予曼城出局，已連輸三仗，但考慮聯賽對手李斯特城及韋斯咸都是同級球隊，領隊柏度以較進取戰術與對手互攻，今仗面對曼聯，料回復以往穩守突擊的看家本領。
陣容上，水晶宮前鋒杜韋加爾停賽復出，加強前場牽制力，後衞軒治蘭特及中場祖爾禾特等亦在英聯盃休息，今仗將復出統領後防；事實上水晶宮對強隊失球數字不多，聯賽對曼城及熱刺均只失一球，以1:2不敵阿仙奴已經算多，周六主場出擊，有望減少失球。
朗尼持續低迷
曼聯在英聯盃亦鬥至互射12碼被米杜士堡淘汰，已三場不勝，球隊攻力仍差，朗尼在曼市打吡乏善可陳，對米堡亦射失12碼，成出局罪人，新星安東尼馬迪爾轉踢左翼後，光芒亦稍遜，雖然紅魔陣容仍鼎盛，桑馬達及安達靴里拉等均屬國腳級，但球隊講求控球在腳戰術，不易多取入球。
曼聯今季也有可取之處，10場聯賽只失八球，與曼城、阿仙奴及熱刺同樣是失球最少球隊，中堅基斯史摩寧漸見成熟，已是後防支柱，門將迪基亞續有穩定演出，近四仗聯賽有三仗保清白，今仗續正選把關下，取「細」合理。
文：牽牛
