唔少人都有個太空夢，就係想為行星命名。國際天文學聯盟「IAU」舉辦歷來首次嘅全球公投，畀全球網友為20個太陽系外行星命名，其中一顆行星竟然有個港產候選名字，原來係嚟自一個香港中學老師嘅創作。
可觀天文館天文統籌許浩強話，呢位老師為編號「飛馬座51」行星創作咗「Jiguang吉光」同「Matafeiyan馬踏飛燕」呢一對名，脫穎而出成為11個候選名字之一，最後名字要之後透過全球投票選出。其他行星嘅候選名字亦出現內地及台灣嘅創作，包括「Cradle搖籃」同「Magpie喜鵲」等，極富中國特色，投票將開放至本港時間11月1日上午7時59分，許浩強呼籲大家踴躍投票支持港產創作。有關連結為： http://nameexoworlds.iau.org/systems/114 。