巴塞隆拿中場馬斯真蘭奴上場對伊巴領紅牌要坐波監，勢估唔到場外都可能面臨牢獄之災。周四呢位阿根廷國腳就涉嫌喺2011至12年約150萬歐元（約1,300萬港元）嘅肖像權收入瞞稅案而出席西班牙法庭，佢亦都承認兩項罪名。司法部之後發聲明，因為當事人認罪，所以簡化咗審訊過程，𠵱家法庭就研究緊個處分，除咗追交罰款兼利息外，仲可能判監。