以為忠臣不能服侍二主，只會喺電視劇發生，原來現實生活中亦有此事，仲要發生喺講金唔講心嘅財經界。
早前中電信（728）、聯通（762）兩大中資電訊公司嘅老總互換，曾經做過中移動（941）老總嘅王曉初，兩個月前由中電信調去聯通，聯通噚日就公佈，下月將有新嘅公司秘書，此人乃由中移動至中電信都一直追隨王曉初嘅翁順來（Jacky）。
Jacky𠵱家係中電信公司秘書兼副財務總監，過檔聯通之後，只做公司秘書，做嘅嘢少咗，相信收嘅人工都可能少咗。
聽講，自王曉初調去聯通後，Jacky一直都希望跟番王曉初，連可能減人工都唔介意，呢份情，華華都唔知點形容。