多蒙特（黃衫）入波入到唔識停，前晚喺德盃次圈對柏達邦，雖然被對手偷雞先入一粒，但最後都反勝7:1開「主其他」；呢場杜曹收起咗奧巴美揚同馬高列奧斯，如果出佢哋兩個，睇怕入夠一打都似。同日利華古遜對科隆域陀尼亞，憑查維亞靴南迪斯（小豆）入兩粒而輕鬆贏6:0兼開「客其他」；唔知曼聯領隊雲高爾有冇後悔唔要小豆呢？