今季美職聯季後賽喺周三開打，呢場萬眾矚目嘅前英超球星對決，結果由丹普西嗰隊西雅圖海灣者以3:2擊敗由謝拉特帶領嘅洛杉磯銀河；銀河隨即宣佈衞冕失敗，海灣者率先晉身西岸四強。謝四今夏轉戰美職，諗住可以完成聯賽冠軍嘅心願，𠵱家銀河一出閘就墮馬，惟有等下季。同日場東岸淘汰圈比賽，華盛頓聯隊就以2:1贏咗新英倫革命晉級。