美國女足喺周二到訪白宮同總統奧巴馬會面，慶祝佢哋早前奪得女子世盃，而35歲老將前鋒雲芭芝，喺出席完呢個場合後宣佈喺年尾掛靴，佢嘅最後一場波係12月16日喺新奧爾良迎戰「鏗鏘玫瑰」中國女足。雲芭芝肯纏肯搏，頭槌更加係厲害，近年一直係美國隊支柱，難怪連NBA湖人巨星拜恩同美國男足教頭奇連士文等，都喺twitter度多謝佢作出嘅貢獻。