工黨李卓人（圖）同長和主席李嘉誠唔只大纜扯唔埋，兩個人慣常對立，當年碼頭工潮阿人全力「隊」超人，但估唔到阿人都有撐超人嘅時候，仲要喺立法會大大聲撐！
話說立法會辯論一帶一路，阿人發言時批評，好多人將一帶一路呢個經濟議題政治化，喺經濟領域搞政治鬥爭，之後佢以超人俾北京政治批鬥為例，指雖然自己一直反地產霸權、反超人壟斷、反對超人勞工立場，但超人作為生意人，佢喺資本主義社會入面，去外國投資點解要俾人批鬥？北京係咪要班商人，全部喺背脊篤「精忠愛黨」幾隻字？否則係咪邊個唔聽話就要搞邊個？所以阿人講明喺呢件事力撐李嘉誠，要為佢講公道說話！