中文大學善衡書院今年5月選出16位學生、一位校友，跟極地專家李樂詩同校內生命科學院講師鍾國昌，去北極地區嘅格陵蘭考察，為期12日。十幾位學生來自唔同學系，每人除咗要幫手為生物多樣性研究收集樣本，各自亦定下醫學、心理學或政治相關嘅研究題目。
佢哋有8日7夜都身處探險船，其間要每日兩次採取樣本，要伸手或踩入冰水之中。中文系嘅張曉瑩笑說真係好辛苦，有晚喺雪地工作至凌晨兩點，團員凍到縮成一堆企鵝咁，靠唱廣東歌提振士氣。法學系謝盷臻當日病咗留船上休息，本以為幸運，𠵱家諗番就覺後悔，「應該同大家一齊捱！」
兩位醫科生梁頌輝就比較團員同當地人對嚴寒天氣嘅生理反應，話當地人非常善良，好信任陌生人，「想度乜都得，完全唔會抗拒」，令佢非常感動。