羅蘭前晚在尖沙嘴海運戲院出席電影《碟仙碟仙》首映，提到78歲的夏萍日前在家中不慎跌倒受傷，10小時後才被發現救出送往醫院一事，同樣獨居的羅蘭就曾因感冒在家中誤鳴平安鐘，搞到消防員破門入屋，她說：「其實老人家最怕腰、手腳受傷，要注意多啲家居安全，好似朝早起身，要對腳落地先，睇吓自己企唔企得。」
羅蘭姐更提議夏萍可以安裝平安鐘，她說：「其實佢應該校個平安鐘，我自己都有校，平時放喺床邊。或者好似我咁請番個菲傭陪伴。」其實夏萍姐都有用平安鐘，只是當時未有跟身，羅蘭姐說：「咁可能佢放喺房，而自己喺出面跌親。不過平安鐘好難跟身，但知有一個叫『隨身寶』，係可以跟身嘅平安鐘，但我有電話，所以都唔需要。」
莊思敏噴血妝嚇人
至於《碟仙碟仙》一班演員為了迎接萬聖節扮鬼扮馬，第一次擔任新戲女主角的莊思敏化了一個「噴血」妝嚇人，被指是第一次做女主角，莊思敏說：「票房都有壓力，但係之前喺馬來西亞同新加坡上映，反應都好好，嚟緊會傾喺內地同台灣上映，內地唔可以上鬼片，係要有少少調整，因為有發行睇過條片，睇完之後都想買，可能調整過之後，可以喺內地上。」全場最神似，扮小丑的張建聲花了大半日時間用心準備，他說：「其實我都有啲驚，我嚟嘅時候，都有外籍小朋友見到我尖叫。」
採訪、攝影：譚倩宜
