記者問：剛畢業，找到一份設計工作，如何增加自己的曝光度？
黃梓維答：我由畢業開始已經係參加唔同既比賽，工作時出來的作品，係幫緊一啲牌子去做，若想做一啲自己的作品又會俾人睇得到的，比賽係一個幾好的途徑，比賽過程會學到好多嘢，有個免費平台可以將自己作品呈現於人前，攞到奬固然開心，攞唔到奬亦係一個機會去展示自己的系列（collection）。
問：剛畢業，是否爭取一份大公司設計師工作較有利？
答：入行不一定要去一間大公司去做，每間公司都可以學到唔同既野，有得揀，大小公司都試下，不過依家未必俾到你揀，有間公司你可以發揮已經係唔錯，要好好珍惜。
問：香港市場女裝還是男裝較有出路？
答：我一直男女裝都有做，女裝偏多，女裝市場競爭好大，真係好難做，好難鬥Zara和H&M，雖然多咗男仔鍾意扮靚，但只識做男裝係好難揾野做，女裝我都做咗好多年，想有個改變，試下做其他新野 （男裝）。
問：男裝的成本是否較女裝低？
答：男裝不會較女裝更好揾，因為男裝仲麻煩，步驟和機器設備要求高啲，例如一套西裝，我個工場做到一件女裝西裝，但做唔到一件男裝西裝出嚟，因為我需要更加多專業的機器壓領，壓膊個啲幾十萬的機器。
問：服裝生產工序自己做還是外判出去？
答：我有自己的工場，有固定幾個員工，貨多時會增加多幾個臨時員工。因為我哋做的數量少，靠人哋個廠，貨期掌握唔到，人哋肯同你做已經求神拜佛喇，我自己試過好多次，人哋一有貨接就將你啲嘢向後褪，因為你啲嘢又唔賺錢，質素又控制唔到，過程好麻煩，故用自己工廠，寧願辛苦啲貴啲，但係我自己控制到。
記者：陳皓怡 攝影︰黃耀興