湯盈盈為老公錢嘉樂先後誕下兩名千金，大女凱晴（Alyssa）的樣貌似足爸爸，當大家寄望他的第二個女兒可以遺傳到靚靚媽咪的樣貌時，細女Kassidy就更加得自爸爸真傳，連錢媽媽也說Kassidy跟嘉樂小時一模一樣，十足的餅印，令網民也不禁留言：「爸爸基因真強大。」
嘉樂昨日在將軍澳出席活動，談到細女跟他一樣餅印，他笑說：「邊張相似呀？我覺得細女似媽咪，你哋幫幫手話似媽咪啦！但係我反而覺得細女似我外母，身形比較纖瘦，大女出世嗰陣頭又大、身又橫，似足我一樣。」
「屋企有三個錢嘉樂」
問到太太盈盈有否因此而不開心？他又笑說：「冇，佢不知幾開心，𠵱家屋企有三個錢嘉樂對住佢。」自稱有心有力的嘉樂，被問會否效法好友陳浩民生四個，他搞笑地說：「陳浩民成日都同洪天明去食消夜，唔知點解佢仲有咁多時間去搞，我真係好想問吓佢究竟食咗啲乜嘢？」
至於會否計劃追個囝囝？嘉樂最初搞笑地稱要與陳浩民鬥多，其後他才說：「我冇所謂，睇吓盈盈嘅意願，我𠵱家好享受做爹哋嘅感覺，同囡囡傾偈係一件好開心嘅事，不過囡囡𠵱家成日講英文，所以我要同佢講多啲中文，費事佢大個咗唔識得同我溝通！」
撰文：炎炯炯
