【訪問】
近半年市況大上大落，商務及經濟局前局長馬時亨亦老貓燒鬚，年中曾預言大市尚有6個月升勢，昨日受訪三度認衰：「我錯，我第一個承認錯」，不過其投資組合只蝕不足一成，跑贏大市；剛發盈警的莎莎（178）依然是其心水，正打算低位溝貨。
記者：黃翹恩 石永樂
馬時亨年中接受報章訪問時，曾估計當時港股升勢仍可持續6個月，恒指甚指可上望30000點。語音未落，恒指從5月高位28249.86點，跌至9月底最低見過20556.6點，昨日收報23142.73點，至今累跌18.08%。馬氏昨日為「明燈」言論認錯：「我錯囉，我咪錯，我錯，我第一個承認錯」。
勸勿買港交所銀娛
但他自言「唔錯得晒」，因其投資組合同期只蝕不足10%，算跑贏大市：「要做足功課，唔好盲從」。倉內債券、股票各佔一半，首選依然是大藍籌、具香港元素、內房股等。即使其心水莎莎（178）發盈警，於高位3、4元左右入貨的馬時亨，依然打算趁低溝貨，「就係鍾意管理層夠進取」（莎莎分別與「雙馬」馬化騰、馬雲合作推優惠），而且看好舖租下跌有助減低成本，加上「香港品牌」，「唔敢講有生之年會大賺」，若肯中長線持有者，斷不會虧損。莎莎昨收報2.56元。
此藍籌不同彼藍籌，馬時亨奉勸勿買港交所（388）及銀娛（027），前者市盈率（PE）太高、後者則看淡澳門賭業「唔會番轉」。至於倉內另一隻「神奇藍籌」思捷（330）昨日抽升22.6%，馬難掩笑容：「我陣間要問吓（身兼思捷及中策主席的）柯清輝點解」。訪問正是在柯清輝任主席的中策（235）辦公室進行，馬時亨是中策顧問。身為4間國企獨董的馬氏，倉內卻已盡沽A股。
絕不沾手神仙股
訪問中馬氏不住嘆息香港往往未能把握機會，令人回想2002年他初入官場即因「仙股事件」受盡批評，規管細價股的諮詢備受市場壓力，最後只成一紙空文。到13年後的今天，暴升暴跌、欠生意支持但「炒到癲」的「神仙股」遊走主板、創業板。馬時亨自言絕不沾手，但同意監管機構應要出手。
暴升股算是滬港通開通後的副產品，曾任聯交所上市委員會的馬時亨承認「最近確實係有好多因素令到個市場差咗，但遲啲我覺得會好番啲。」市場質素轉差，有意見歸咎於滬港通後「濁水」混和「清水」，馬時亨不願正面評論：「市場好複雜，係咪因為呢樣嘢（滬港通），我唔敢講，亦唔識講。」互聯互通下月1周年，他認為重要性在於成交量增加，「流動性多咗，多咗成交，對我哋（香港）已經係好事。市場有流動性就得，就會有參與者。」