政圈傳聞CY下令各問責官員都要跟佢開fb，但警隊一哥盧偉聰冇響應。八方喺警察員佐級協會會慶酒會見到盧Sir，講開警隊早排官網被指刪改六七暴動歷史，佢話已下令重新編寫歷史資料，要原汁原味寫出，暫時冇計劃以警隊fb平台訪問退休警員講述當年經歷。而佢自己，原來冇fb或微博，笑稱睇吓警隊fb運作成點先再算。談到世衞公佈將加工肉同紅肉納入致癌物類別，盧Sir話平日少食。
身為協會主席嘅陳祖光，喺晚宴上致辭時則不點名談及去年嘅傘運同近期嘅警民衝突，認為有人要求警員守法卻唔尊重法治；可以任意侮辱警察卻唔接受警察勸戒，令佢想起一句俗語：「先撩者賤」。唔知呢番話，會唔會挑起新一輪藍黃大戰？