新盤經常出現佣金糾紛。昨日網上流傳一段疑買家上門向地產代理追佣短片。片段所見，一對男女疑因回佣問題，去到中原地產港島區天后分行追佣。兩人情緒十分激動，不斷向店內代理人員爆粗。之後鬧到出門口，引起不少途人圍觀。
一名相信是中原代理的四眼哥哥，企在門口繼續被兩人狂爆。兩男女不斷對他作出指罵，包括當街當巷被批評做事不誠實。「應承咗嘅嘢，簽約前問多兩次係咪咁嘅佣，講到明係，簽咗約就話唔係，呢啲係你公司誠信問題，x你老母。」又指「呢啲咪叫做失敗囉，冇誠信，你而家呃到人咩，啲消費者好x精，我話畀你聽呃不到，有咩差池我上監管局投訴你架，簽晒文件你都夠膽嚟拗數。」據了解，事發在昨日下午，警方曾到場了解事件。
據知，兩男女是近母子關係，日以約360萬元購入大角嘴「M巾盤」利奧坊‧曉岸一個開放式單位，他們指購入單位後代理反口，回佣由80%變50%，故十分不滿。但據知，代理最初應承回佣80%，是要買兩個單位，他們最後只買一個單位，所以只肯回佣50%。代理最後不想煩，照回佣80%，涉約8.6萬元。以發展商提供3%佣金計，代理收佣約10.8萬元，但回佣80%後，只得不足兩萬元。