【港大風波】
對於有指香港大學校務委員會主席將由另一「梁粉」校委李國章接任，港大畢業生、目前為港大經濟及工商管理學院經濟金融學院名譽教授的馬時亨直言，目前港大處於撕裂狀態。
「如果李國章今日去做，我覺得勇氣好大、好大，因為搞到今日咁，你坐上嗰個位，你淨係花精力去擺平別人對你嘅睇法，可能已浪費你90%時間，都唔係去做應該做嘅嘢，如果係真，我真係寫個『服』字，佩服佢有咁嘅承擔、勇氣」，但馬時亨認同李國章有足夠資歷去當校委主席一職。對於港大連串風波，馬時亨表示極度心痛，因為焦點已不再是如何提升港大的學術地位，而是「爭拗邊個做主席呀，邊個應該講乜嘢，唔應該講乜嘢」。
作為昔日高官，馬時亨指港大近日的風波是香港的縮影，直言香港「𠵱家好明顯好多嘢唔和諧……覺得社會唔公義，咪唔和諧囉」，他同時提及經濟、外來衝擊等都是令香港不和諧的因素。問他是否贊成由一個「識搞好經濟、搞少啲矛盾嘅人」來當特首，馬時亨認為這是「阿媽係女人」的問題，再問同是銀行家出身、處事圓滑的他及其好友梁錦松是否有意選特首，表明無意參選的馬時亨只着記者問去梁的太太（伏明霞）。