大家仲記唔記得超人李嘉誠喺2013年曾經捐出10億元，協助逾百年歷史嘅以色列理工學院，與汕頭大學合辦「廣東以色列理工學院」呢？呢間新學院最近委任中證監前副主席、現任中央滙金投資副董事長李劍閣做首任校長。
66歲嘅李劍閣相當熟悉內地金融市場，今年中佢都有提醒市場，有「國家牛市」概念係危險嘅，之後A股跌到散戶都怕。
點解一間理工學院要搵金融專家做校長？搵資料，超人與李劍閣應該早有交情，李嘉誠基金會舊年舉辦「科技夾子」營，李劍閣都有份試食以「合成牛肉」與「合成芝士」製作嘅漢堡包，李劍閣試完仲話「很有肉味」。
廣東以色列理工學院計劃明年招生，李劍閣希望「在中國南方打造一個新硅谷（即美國矽谷）」。有超人嘅財力加埋李劍閣嘅人脈，肯定無問題。