黃毓民上周喺特首答問大會問CY「幾時死」，有網民喺CY女梁齊昕（圖）fb提出同樣問題挑機。齊昕噚日喺fb貼出着拖鞋、撐枴杖嘅相，網民Leonard Leung留言「真心問：你老豆幾時死？」齊昕刪留言之時卻cap圖用紅筆圈，上載至fb同ig留言笑對方太有趣，hashtag卻其實係寸人哋冇創意，又笑稱對方應獲頒創意獎。
被截圖嘅Leonard Leung留言多謝齊昕讚賞，續追「咁有答案未？」、「我都好想獲得689祝壽加持」；齊昕則一輪嘴回應：「大家明唔明諷刺呢兩個字」、「呢個世界太多白癡人、冇眼睇。救命 #太好笑」等，作為花生友真係大豐收。