美職聯常規賽喺周日煞科，雖然喺FC多倫多以1:2不敵蒙特利爾衝擊呢場加拿大打吡戰中，多倫多嘅基奧雲高畀梅開二度而助衝擊反勝嘅杜奧巴搶晒鏡，不過成季嚟睇，基奧雲高其實仲威，因為呢名意大利國腳今季首次喺美職聯亮相，就即刻以22球及16個助攻成為美職聯常規賽嘅神射手兼助攻王！至於今季常規賽嘅盟主，就由紐約紅牛奪得。