天下無不散之筵席！黎明（Leon）與經理人陳善之自95年起合作至今20年，關係一直友好，但原來二人最近已拆夥。有傳陳善之離職與去年未能成功挽留的黎明愛將文詠珊（JM），以及明年初約滿的李治廷有關。陳善之昨接受本報電話訪問，承認已離開黎明經理人公司百仕活，但強調與黎明關係友好，更笑指他離職與JM及李治廷有關是無稽之談。
由黎明掌舵的百仕活，隨着JM、衞蘭、應昌佑、JW等先後約滿離開，旗下藝人只餘黎明本人、李嘉欣及李治廷。事實上去年已傳黎明有意將公司轉型，由傳統經理人公司變為主力投資外國歌手演唱會製作及電影製作。
傳與JM離巢有關
陳善之昨日在電話中說：「我的確已經離開咗百仕活喇！但絕對同傳聞講嘅嘢冇關。」他笑謂：「我同Leon合作咗20年，Day 1佢請我嗰時就答應我，有一日到所有嘢都成熟，佢會畀我做番自己想做嘅嘢，包括電影方面嘅嘢，咁𠵱家大家都覺得係啱嘅timing，就有咁嘅決定。」有傳他離職與JM不續約有關，陳善之表示：「大家聯想力太豐富喇！JM上年離開，有機會自組公司同埋同其他公司合作，我同Leon當時都係好支持佢，所以唔明白點解會有咁嘅講法。」
問陳善之是否已有去向？他透露稍後會參與電影方面的工作，更表示與黎明一定會有合作機會，他說：「雖然我離開咗公司，但我同Leon嘅感情係唔會變，仍然係非常之好，一定會有合作，叫係關係角色唔同咗。」而黎明則於截稿前未有回覆。
採訪：奈仁
