其實落水又有乜好怕喎？東亞銀行（023）太子爺李民橋（Adrian）自從前年落水抽筋後，已經連續第2年冇落水，噚日只係話「希望大家玩得開心」！但其實佢喺沙灘都玩得好投入，主持開賽儀式嗰陣，見佢準備篤爆汽球前，都七情上面，扮到巧驚驚咁，狀甚鬼馬！不過又咁講，今次活動最重要都係為公益金籌款。講到籌款，Adrian真係不遺餘力，佢獲得「全場個人籌款最高獎」，實在係值得一讚。聞說佢籌到嘅款項有六位數字。