華人置業（127）主席劉鳴煒外型cool到爆，但係似乎都幾玩得，跑步、游水、踩單車……好似乜都啱，身兼海洋公園副主席嘅佢，最近仲喺園內扮鬼嚇人，可能佢想體驗多啲香港年輕人嘅日常生活，以後處理青年事務時，唔好咁離地啩。
劉公子噚日再度參與200米「領袖邀請賽」，雖然與獎牌無緣，不過都好輕易咁完成賽事。佢賽前講明話「志在參與」、「主要係支持Douglas（吳宗權）」。
不過話時話，劉公子可能過去一年運動多咗，見佢腰間好似少咗些少肥肉，相對舊年嘅「肉照」，今年fit咗些少，雖然未算肌肉型，不過佢34歲，想操到有肌肉應該冇乜難度！