【拆局】
雖然家長在網上反全港性系統評估（Territory-wide System Assessment，TSA）的聲音越來越大，但據悉教育局對此態度強硬，亦未見有撲火行動。有政界及教育界中人相信，政府對有關事件反應並不積極，主要是他們認為事件難像反國教般炒熱成社會廣泛關注議題，再加上發起行動的家長拒絕政黨及社運團體插手，更令政府「放心」。
家長組織拒政黨幫手
有政界中人指出，其實教育界議員葉建源曾表態支持取消全港系統性評估，但教育局立場強硬，堅拒讓步，主要是覺得全港系統性評估屬一般教育政策，並不如國教般會政治化，真正會關心、甚至站出來反對的家長不會很多，「好多官員覺得反國教之所以搞到咁大，係因為將件事政治化成反赤化，家長、市民梗係出聲，但全港系統性評估純係教育政策，唔係所有家長都反對，亦未必好多市民關心」。
另一方面，要求取消全港系統性評估的家長組織有點政治潔癖，一直拒絕政黨參與、幫手，更令政府不擔心事件被炒熱，「當日反國教搞得成，冇家長關注組、學聯、學民喺台前，泛民喺背後支援，根本唔成事。𠵱家要求取消全港系統性評估班家長，仲政治潔癖過家長關注組，好難搞大件事成為社會事件」。
有教育界中人更直言，單是搞網上行動，「教育局邊會驚！除非好似反國教咁，由網上走到現實世界，真係有一萬幾千人上街抗議示威，我估教育局局長吳克儉同班官先會驚」。
■記者莫劍弦