前財政司司長梁錦松與太太伏明霞昨日帶同3名子女現身科學園，參加「小母牛競步善行2015」，同場還有世界女子桌球冠軍吳安儀、王梓軒及唐寧等。梁錦松一家參加了1公里親子接力賽，雖然活動於早上9時進行，但12歲大女司渝、10歲次子皓嘉及7歲幼子家瑋精神抖擻，對於接力賽準備充足，反之曾貴為國寶級兼奪金牌無數的前跳水王后伏明霞，就不復當年勇，婚後專心相夫教子的她，無視身形走樣，跟當年跳水英姿實在相差遠矣。
運動當興趣
一起跑，伏明霞已經是包尾姿態，而且過程顯得辛苦，不過勝在心態輕鬆，邊跑邊笑，梁錦松就一直陪在愛妻身邊鼓勵，最後一家跑畢全程。伏明霞直言久沒運動：「我不嬲最驚跑步，以前要操體能，都係最驚跑步。」她指成為人妻後已沒再跳水，游水亦甚少，因為香港沒合適地方，不過3子女就遺傳了媽咪的運動細胞，自小喜歡溜冰、滑雪及游水，次子愛跑步，現為學校田徑隊員。問到會否培訓子女成為跳水運動員？伏明霞說：「要問番佢哋。我想佢哋當運動係興趣，唔係比賽，唔一定要好專業，咩都試，我只係識跳水，其他都唔識。」
伏明霞坦言子女教育問題會有壓力：「驚佢哋冇交功課，因為老公好忙，小朋友都要補習。不過唔可以有太高要求，要照佢哋性格培養。囡囡𠵱家踏入反叛期，性格有變化，所以𠵱家對佢嘅言詞都要在意啲。」有否和師妹郭晶晶交流養育心得？她說：「佢（郭）囝囝𠵱家先2歲，都係輕鬆階段。」
採訪、攝影：羅慧敏
