近月好多星級BB出世，湯盈盈在上月23日為錢家誕下第二位千金Kassidy，前日佘詩曼、梁靖琪、周家蔚等一班auntie去了錢嘉樂屋企幫Kassidy舉行滿月派對。昨日凌晨盈盈在微博留言：「我們的寶寶滿月啦！」除了姊姊凱晴（Alyssa）錫錫妹妹外，還貼了多張Kassidy的得意相，Kassidy手腳修長，面珠肥嘟嘟，跟爸爸錢嘉樂可說是99.99%相似，有網民留言：「爸爸基因真強大。」
湯盈盈昨日在電話中笑說：「其實我唔覺似，但之前畀相奶奶睇，佢話Kassidy同細個嘅嘉樂一模一樣，加上好多人留言又話好似，可能佢笑起上嚟眼瞇瞇啦。」每天都有三個大小嘉樂相伴，至開心當然是盈盈，她說：「係呀，我𠵱家餵緊人奶，但有時搵人返屋企幫我按摩同紮肚，唔見小朋友幾個鐘已經好唔捨得，坐完月我都唔捨得出街。」
朱茵生日獲女敬茶
而台灣藝人修杰楷和賈靜雯昨日亦為兩個月大的女兒咘咘在飯店補擺雙滿月酒，據悉邀請了高圓圓、陶晶瑩一家、溫昇豪、徐熙娣（小S）等200位賓客出席。賈靜雯日前在微博貼上囡囡的可愛樣，眼仔睩睩似媽媽，昨日賈靜雯與囡囡便以母女裝登場，同穿白紗裙將咘咘扮成小公主。修杰楷抱住囡囡滿場飛，還要與賓客合照，兩夫婦更在台上灑淚真情告白。
另外，昨日是朱茵的44歲生日，老公黃貫中（Paul）在微博貼了3歲大囡囡「叉燒包」黃鶯遞茶給媽媽的相，阿Paul留言：「鶯鶯：『媽媽，我和爸爸祝您生日快樂，請喝茶，小心燙噢 ！』」真是好sweet！
採訪：嵐山
