原裝《叮噹》的日籍女配音員大山羨代因患腦退化不能自理，無奈連曾聲演叮噹都忘記，非常可惜。圈中叮噹粉絲黃偉文（Wyman）、張敬軒和陳奐仁知道後都隔空為大山打氣。
身在日本的Wyman昨透過WhatsApp回應：「我一直覺得美好嘅記憶先係人類最值錢、最名貴嘅財產。我會話當事人失去咗記憶唔係最慘嘅事，因為我哋記得佢先係更重要，我哋每一個喜歡叮噹嘅人，喜歡嗰個童年回憶嘅人，都記得佢先係最重要。」軒仔昨以短訊回覆：「好可惜，仲要係叮噹嘅角色，永遠都喺我哋同每一代嘅小朋友心裏面，而叮噹樂於助人同樂天嘅個性，係永遠都喺我哋心裏面！」
而被指貌似叮噹的陳奐仁，昨獲悉大山病況都很擔心，他接受電話訪問時說：「好難過，不過旁觀者感受可能會再强烈啲，希望醫學界可以快啲搵到解決方法。」
採訪：劉敏、皓騫
