全港最大馬主蕭百君家族，名下馬近期頻頻報捷，繼早前個人名下之「大威力」贏完又贏之後，上次沙田賽事又有其兒子蕭劍平之「格哥兒」爆冷勝出。今期賽事(25日)蕭家大有機會再入凱旋門，因為蕭劍新一對名下馬「澳斯卡」及「醉必勝」近績出色，而且均交由莫雷拉執韁，有力起孖而回。
第十場綽號翻版步步友之「澳斯卡」上季三出三捷未逢敵手，兼且榮登「最佳新馬」寶座，實力不用懷疑。睇番今季暫有「詠彩繽紛」、「團圓飛舞」及「包裝奔馳」上季尾由莫雷拉贏完，今季初出原庄配搭再來，結果全部能成功取得跨季孖寶，「澳斯卡」繼續獲雷神垂青，埋門試大閘更輕鬆勝出，已做足工夫而來，有機會保持不敗之身。
至於第三場「醉必勝」上仗不敵「大威力」，構成馬主父子Q，既然「大威力」再出再贏，反映該役水準甚高，今次強手已去，「醉必勝」有力坐正，與「澳斯卡」構成一口馬主新哥自製孖寶。