【青衣邨】Shine成員徐天佑宣佈下月8日迎娶拍拖八年嘅中學同學Olive，而另一成員31歲黃又南嘅真命天女仲未出現。直至噚日凌晨12點半，本報發現又南喺青衣邨附近，同一名貌似梁靖琪（Toby）嘅女子喺紅色Audi座駕短聚一小時。二人有講有笑，玩襯衫又玩手機，不過冇任何越軌行為。
又南被問到呢件事，佢噚晚喺電話度，最初支吾以對，後來大方表示半年前喺朋友介紹下識「翻版Toby」，問係咪發展中？佢話：「暫時……係呀！」他直認短聚一小時，但冇任何親熱行為：「唔係做乜呀？我係好傳統，唔係一個突然好激情嘅人。之前我講過𠵱家同一個女仔了解緊，但係我好慢熱，如果係唔會唔認。」
採訪：非非
