費爵爺同萬人迷碧咸將會喺下個月舉行嘅聯合國兒童基金會慈善賽，以師徒檔帶領英國明星隊重臨奧脫福，佢哋嘅對手係由施丹做隊長嘅世界明星隊，雙方陣容可謂粒粒皆星。但呢班巨星嘅風頭隨時會畀英國隊嘅里奧費迪南（右）同泰利（左）搶走，因為泰利曾經喺2011年用啲帶有種族歧視嘅字眼鬧過里奧費迪南細佬安頓，當時搞到滿城風雨，希望做番隊友到時唔會打大交。