區選開打，建制派低調搞選舉，泛民奇怪點解未見左派陣營開始抹黑行動？泛民開心得太早，其實有人已開始製造子彈，為之後向泛民候選人開火做準備。
有民主黨人發現，有人喺YouTube開戶，貼咗好多抹黑民主黨嘅片，分別針對陳樹英、鄺俊宇、公民黨梁家傑等，例牌話佢哋支持佔領，又話佢哋同建制派一樣，搞蛇齋餅糭，指民主黨雙重標準！
八方睇過個戶口係今年10月11日成立，所有片都係一星期內放上去，亦即區選提名期完結前出手。有民主黨中人話，左派搞呢啲冇乜人睇嘅片，重點係等到投票前，左派及建制媒體就會「忽然」發現「有正義網民揭發民主黨醜聞」，再引用「網上片段、消息」全面抹黑，到時就可避開法律責任！