阿Lam尋獲俏婆婆

阿Lam尋獲俏婆婆

林子祥(阿Lam)日前在無綫節目《Sunday靚聲王》高唱《吖嗚婆》,有位白髮俏婆婆聞歌起舞,跳到好似打boxing,網友勁讚婆婆表現可愛,明年1月將於紅館開騷的阿Lam,其演唱會facebook專頁更廣發尋人啟示,只係經過短短3日,阿Lam已經搵到位俏婆婆啦。
昨日阿Lam的專頁貼出兩人合照,寫上:「俏婆婆已經聯絡咗我哋啦!今晚仲同阿Lam見咗面,阿Lam仲安排咗俏婆婆嚟睇下年1月喺紅館舉行嘅演唱會,俏婆婆同阿Lam都好開心,另外,俏婆婆有說話同大家講:『做人一定要活得夠年青!』仲好多謝阿Lam將佢年青活力嘅一面帶返出嚟!」
撰文:皓騫

林子祥網上尋人成功,還邀請俏婆婆出席下年1月的演唱會。互聯網圖片