【本報訊】中國國家主席夫人彭麗媛，臉上驚現「一撻撻」的白色粉，「白面國母」淪為國際大笑話。英國的《每日郵報》指彭麗媛或因塗上很易反光的矽粉（Silica powder），著名化妝師Wayne Goss則拍片示範過度使用HD Powder以致出現白粉面。
專業化妝師Miffy估計彭麗媛面上出油加礦物粉，令可怕白粉妝出現，「天氣凍，可能因為佢年紀大，底妝用咗啲太油潤的護膚油、太厚身的cream foundation，跟住加埋礦物粉，當塊面出咗油，就會變咗白色。」她指不同質料的化妝品亂溝，亦會出現有關情況。
噴水掃開上粉可挽救
她在本報主播阿Gi面上，模擬彭麗媛的出事妝：重複使用強調輪廓的光影液、出事重點的礦物粉，以及亂溝多種質地化妝品。結果，高清妝在正常燈光下，望落妝容正常柔和，但大半小時後，閃光燈的強白光之下，主播的前額位、下巴等，也出現一撻撻的反光白粉（圖），相當嚇人。
其實過往不少國際知名女星及名媛都遇過「白色悲劇」，包括安琪蓮娜祖莉（Angelina Jolie）、妮歌潔曼（Nicole Kidman）、杜莉芭里摩亞（Drew Barrymore）、露美慧柏絲（Noomi Rapace）等。
而今個月初，向來以最美形象示人的美國女歌手Taylor Swift都失手，在紐約街頭被影到臉上出現白色粉末，而眼袋位置成重災區，可能是想遮黑眼圈闖禍。Miffy指有補救方法，「真喺出咗事，入廁所噴一噴保濕水，再用化妝掃掃番開去，再上一層碎粉，可以挽救番少少。」
《蘋果》記者
