標準流浪隊長李志豪禮拜一接受本報專訪，笑稱自己係天才，仲提到港足隊友基藍馬見波如見炸彈，最愛大腳解圍。
後者效力嘅球會東方話咁快反擊，噚晚喺fb宣傳嚟緊禮拜日對流浪一戰，發佈咗基藍馬一張搞笑漫畫（上圖）：「天才！我除咗大腳斬波，頂頭槌都唔弱。」希望球迷後日去深水埗睇佢哋後防球員嘅實力。咁有話題嘅聯賽盃，大家唔好錯過喇！
