提起九頭身美女，就會想起台灣女星吳佩慈，仲有來自哈薩克嘅「十二頭身排球美少女」莎賓娜。九頭身代表臉同身高嘅比例為1：9。 古人亦都認為，男仔有185cm以上，加上英俊樣貌，就稱為九頭身美男。
至於喺韓國長腿oppa周街都有，但要符合九頭身就未必人人上榜，而喺韓國有邊啲可以稱為九頭身美男，就等我哋嚟盤點啦。
現年34歲嘅趙寅成身高188cm，佢有個外號叫「趙‧脖子以下都是腿‧寅成」，佢因為係模特兒入行，所以擁有一副如似衣架嘅身材，而演出時所穿着嘅服飾都展示佢一雙長腿，令人留下深刻印象。
而另一位26歲嘅韓劇《愛上Pinocchio》男星李鍾碩，佢有186cm身高，同樣係模特兒出身，集合演技同樣貌嘅90後藝人。26歲嘅《繼承者們》男星金宇彬，擁有188cm身高，佢同李鍾碩老友鬼鬼，兩合高佬同樣屬於九頭身嘅美男。
42歲嘅中佬型男代表鄭雨盛，佢唔單止擁有健碩身形，一雙憂鬱嘅眼睛迷倒唔少女粉絲，再加埋佢186cm嘅身高，由早年被稱為韓國美男子嘅代名詞，到現時變為最帥大叔，男人味十足，老中青女生都勁buy。