著名畫家崔成安筆下除了有偶像李小龍，還畫過成龍的《威龍猛探》漫畫、林青霞與張國榮的《白髮魔女傳》漫畫等，作品多不勝數。雖然崔老師當年在香港甚為吃香，不過最後於97年移民到加拿大重新生活，他說：「走嗰陣經濟唔係咁差，只係臨近97，氣氛唔係咁好，個人做到好厭，一日做十四個鐘，咁啱有一班美專同學喺加拿大返嚟探我，佢哋說我過去，仲幫我計埋數。」笑問他會否不甘心？崔老師笑說：「永遠都唔甘心，頭嗰一兩年最難過，但係都冇諗過回流返嚟，我覺得既然決定咗，就唔會咁易動搖。雖然少咗好多搵錢機會，但𠵱家睇番都幾好，生活同畫畫都好隨意，不過我嚮往嘅香港已經唔同晒。」