現年31歲嘅楊秀惠一向擇偶有道，男友大多非富則貴，現任男友葉樹培家住喺半山梅道豪宅，家底唔錯，仲打本畀女友楊秀惠做生意。
昨日有周刊爆，楊秀惠似乎不甘於現狀，最近仲同楊受成細仔楊政龍搞曖昧，楊秀惠被影到拍劇放飯嘅空檔，由電視城揸車去淺水灣做埋「人肉速遞」，搵楊政龍，佢哋關係好似幾close噃，跟手仲去咗男方嘅淺水灣豪宅過二人世界，短聚兩粒鐘，楊秀惠先揸車返公司，繼續開工。
據報道表示，楊秀惠本來同有米男友葉樹培拍拖，疑人望高處，三個月前被影到佢同28歲嘅楊政龍暗撻，之但係佢當時同富貴男友葉樹培仍未斬纜，疑一腳踏兩船，盛傳係因為葉樹培份人好疏爽，打本畀女方搞開美容店當投資，楊秀惠先未想斬斷情絲!
據知情者向周刊講，楊秀惠原本同男友葉樹培舊年已經分咗手，點知隔幾個月又再翻撻，但就冇再住男友屋企，有指楊秀惠搬咗去地利根德閣嘅租金同開店嘅錢都係現任男友畀，仲話幾個月前，男友葉樹培已向楊秀惠求婚，但係因為楊秀惠想mark「筍盤」，先冇答應男友，話晒「筍盤」楊政龍隨時係爸爸楊受成嘅「接班人」!
之但係，如果男友葉樹培發現楊秀惠一腳踏兩船，兼赴開工空檔偷會楊政龍，未知會唔會嬲嬲豬閂水喉呢!?