屋邨出身嘅人權大律師潘熙（圖左）今年5月獲委任為資深大狀，帶挈城大法律系出現首名資深大狀。城大前日舉行嘅第4屆傑出校友獎頒獎典禮，潘熙就係獲獎校友之一，由校長郭位頒獎表揚佢嘅貢獻。
現年45歲嘅潘熙1994年喺城大攞到法學士學位，翌年在港取得大律師資格，原來佢曾任城大第7屆學生會會長，並攞過志奮領獎學金，96年喺倫敦國王學院獲法學碩士學位。潘熙領獎時話，傑出校友獎代表咗城大對佢個人工作嘅肯定，亦反映城大畢業生喺社會上有一定嘅地位。𠵱家佢亦係城大嘅法學特約教授、港大榮譽副教授以及北京大學及武漢大學客席講師。另一得獎校友係芥籽園基金主席陳家駒，城大讚佢喺建造業及測量業內備受尊崇。