葉蘊儀（Gloria）、陶傑與黃翠如等昨日於荷里活廣場，出席「香港金閱獎2015」頒獎禮，Gloria以個人文集《她們的二三事》奪「最佳書籍」獎，她領獎後開心說：「呢本書籌備咗一年，係比較另類，一個社會係應該有唔同種類嘅書出現，今次將關注社會世界、女性有關嘅，喺文字上帶出嚟。」Gloria稱希望未來能夠一年出一本書，她說：「讀書時同做創作慣咗好多project，籌備一本書需要時間、搜集資料，好鍾意呢個感覺，𠵱家諗緊下一本嘅題材，應該都係同女性、自身有關，完成咗好有滿足感。」她透露一對子女都喜歡寫作，但不會考慮合體創作出書。
同場的黃翠如表示2個月內已飛了10次，到過巴黎、加拿大與吉隆坡等地，她與男友蕭正楠近期因工作甚少見面，她說：「期待年尾可以見，都係好事，因為有工作做，本身有計劃去旅行，但係又撞咗做嘢，或者可以各自去。」
採訪、攝影：羅慧敏