【本報訊】入境處、紅十字會、國際社會服務社、醫院、保良局，為了打聽生母的下落，Teresa連日奔走各大機構部門登記打探尋找失散37年的生母，但暫時未有回音，繼續等。
記者 金敏琍 攝影 麥超億、張鼎和、周子惇
出世紙是Teresa跟生母的唯一連繫，這張於移民前申領的出世紙，父親一欄留空無資料，阿珊全名「李麗珊」，英文名「Teresa」，母親名叫「李元玉」，洋名Selena，估計阿珊隨母姓李。對於自己名字的由來，她無從得知，對母親的印象，亦不可能有絲毫印象，畢竟兩母女這輩子只有在聖保祿醫院相處過短短十日時光。
「媽咪生咗我之後喺度照顧咗我十日，就同姑娘講話放低個女喺度，你幫我湊住佢先，會轉頭返來攞返佢，但結果無出現過，我諗佢(媽咪)係特登有咁嘅安排，擺我喺醫院，make sure有人喺醫院可以照顧到我......無掉低我喺垃圾筒或廁所，以前我都聽過好多故事啲bb生存唔到。」
面對被遺棄的現實，Teresa強調從沒責怪母親，今次尋親只希望團聚，解開對母親的思念和心結，「我想有機會見到佢，亦想佢知我過得好好，亦想知佢過得好唔好，唔想佢有內疚感覺，大家向前望。」
如有任何消息請聯絡：
《蘋果日報》熱線：63836568
紅十字會熱線：25077135