全球氣候變化、天然資源供應短缺都係世界關心議題，香港知專設計學院、香港專業教育學院李惠利院校，就搵咗丹麥皇家藝術學院建築學校（The Royal Danish Academy of Fine Arts, School of Architecture），用極地建築為主題，搞咗個名為《The Arctic》嘅展覽。
今次展覽係一班修讀建築與極端環境碩士課程嘅學生，去北極考察3星期，研究建築如何突破極端環境界限，探索可持續發展可能性，希望將大自然、科學與藝術完美融合，主辦單位仲請咗策劃同領導呢個考察團嘅教授David A.Garcia，同6名學生來港分享。展覽將於今年10月23至2016年2月22日於知專設計學院舉行。