早前跟大家提過，有條攤路很旺門，就近期常有馬匹順利取得季內連捷，而這條攤路亦已連開四期，今期賽事，又有四匹同類分子，無獨有偶都是跑回上仗贏馬的路程，看來又是發掘寶藏的時候。
先講頭場五班一千米的「有情風」，近四仗同班同程，獲兩冠兩亞全入Q，今次排在比上次贏馬更有利的二檔，有望為子彈不多的吳廐，再增添勝仗；至於第三場四班千二米的「騰煌」，今次排檔亦比上仗更有利，配合騎練季內連贏未斷纜的氣勢，連捷呼聲仍高；而第七場三班一哩的「牛精叻仔」，今仗雖然不能由上仗贏馬的巫斯義策騎，但馬房最近有「大威力」及「正是你」的連捷例子，故「牛精叻仔」亦隨時照辦煮碗；另外尾場二班一哩的「香港興旺」，上仗相同配搭下贏馬姿態輕鬆，今仗負磅竟比當時再輕兩磅，爭勝條件充足；且看這四匹馬能否延續這條旺門的攤路。