恭喜香港長跑天后姚潔貞封后！上周六去到東京嘅佢，翌日就喺當地一個20公里賽跑奪金而回，佢以1小時10分49秒跑贏40幾個主場對手，真係犀利。今次係佢參加完八月底嘅北京世錦賽後第一個比賽，算係好開始啦，就連老公陳家豪都喺香港戥佢開心，話力撐潔貞喺下月挑戰半馬拉松嘅香港紀錄，不過潔貞就話唔滿意今次時間，之後會留東京集訓多幾日，希望成績有新突破！